سه‌رۆكی ده‌سته‌ی ئه‌مینداریه‌تی زانكۆكانی جیهان پێشانگای بیناسازی به‌شی ئه‌ندازیاری ته‌لارسازی به‌سه‌ر ده‌كاته‌وه‌

16299284_10154641096711886_5301838240740452667_n

 

ڕۆژی ٦-٢-٢٠١٧ كاتژمێر سێی دوای نیوه‌ڕۆ به‌رێز دكتۆر نه‌وزاد یه‌حیا باجگر سه‌رۆكی ده‌سته‌ی ئه‌مینداریه‌تی زانكۆكانی جیهان ، به‌ یاوه‌ری به‌رێزان دكتۆر فوئاد مولود شریف سه‌رۆكی زانكۆی جیهان- هه‌ولێرو دكتۆر نه‌جده‌ت شاكر یاریده‌ده‌ری سه‌رۆكی زانكۆ بۆ كاروباری زانستی و دكتۆر سه‌باح سوبحی حه‌یده‌ر یاریده‌ده‌ری سه‌رۆكی زانكۆ بۆ كاروباری قوتابییان وكارگێڕی و ژماره‌یه‌ك سه‌رۆك به‌شی زانستی زانكۆی جیهان ، پێشانگای به‌رهه‌می هزری ئه‌ندازیاری قوتابییانی به‌شی ئه‌ندازیاری ته‌لارسازی قۆناغی دووی به‌سه‌ركرده‌وه‌ .
ئه‌م پێشانگایه‌ له‌ كۆمه‌ڵێك كاری هزری نه‌خشه‌و دیزاینی بیناسازی و باڵاخانه‌ی مۆدرێن پێكهاتبوو ، كه‌ به‌رهه‌می قوتابییانی به‌شی ئه‌ندازیاری قۆناغی دوو بوو ، بوه‌ مایه‌ی ده‌سخۆشی و سه‌رنجراكێشان و تێڕامانی قوڵی ئاماده‌بوان .
دكتۆر نه‌وزاد یه‌حیاباجگر ، له‌ میانه‌ی به‌سه‌ر كردنه‌وه‌ی پرۆژه‌كانداخۆشحاڵی خۆی بۆ بوونی ئه‌م قوتابییه‌ داهێنه‌رانه‌ی زانكۆی جیهان ده‌رده‌بڕی و زیاتر هانی ده‌دان و ڕێنمایی پێویستی ده‌دانی كه‌ چۆن له‌ ئاینده‌دا ببنه‌ ئه‌ندازیاری ئاوه‌دانكردنه‌وه‌ی زیاتری كوردستان ، به‌سود وه‌رگرتنی به‌رده‌وامیان له‌ زانستی سه‌رده‌میانه‌ی ئه‌ندازیاری ، به‌ تایبه‌تیش له‌ بواری بیناسازی و ته‌لارسازی مۆدرێن دا .
ڕاگه‌یاندنی سه‌رۆكایه‌تی زانكۆی جیهان

16427640_10154641097136886_5184686983371052664_n 16427678_10154641096641886_992469210160509679_n 16602585_10154641096771886_1577479249244553298_n 16602791_10154641096866886_1960304991435099303_n