بەڕێز د.نەوزاد یەحیا باجگر دیاریەکانی سەنتەری بەڵگەنامەکانی عوسمانی بە دەست گەیشت

DSC_4071

 

 

 

ڕۆژی 2016/8/14 شاندی زانستی زانکۆی جیهان کە سەردانی ووڵاتی تورکیایان کردبوو دیاریەکانی بەڕێز د.ئۆندەر باير بەڕێوەبەری گشتی سەنتەری بەڵگەنامەکانی عوسمانی لە شاری ئەستەنبۆڵ گەیاندە بەڕێز د.نەوزاد یەحیا باجگر سەرۆکی دەستەی ئەمینداریەتی زانکۆکانی جیهان لەم دیدارەدا کە بەڕێزان د.فوئاد مەولود شەریف سەرۆکی زانکۆی جیهان هەولێر د.سعید سلێڤانی سەرۆکی زانکۆی جیهان دهۆک د. سیروان بابان جێگری سەرۆکی دەستەی زانکۆکانی جیهان و د.صباح حەیدەر جێگری سەرۆکی زانکۆی جیهان ئامادەبوون . بەڕێز د.نەوزاد یەحیا باجگر ئەرکی شاندەکەی بەرز نرخاند لە دەستەبەرکردنی چەندین بەڵگەنامەی مێژوویی تایبەت بە ناوچەو لە دامەزراندنی بەشی بەڵگەنامەکان لە زانکۆی جیهان ـ هەولێر دا هەروەها بەڕێزیان لەبارەی دامەزراندنی سەنتەری بەڵگەنامەکان لە زانکۆی جیهان دواو لە پاراستنی هەموو جۆرە بەڵگەنامەیەکی تایبەتی خەڵکی کوردستان بەشێوەی زانستی لە زانکۆی جیهان و ئەرکی زانستی سەردەم ، کە پێشتر زۆر بایەخ بەم جۆرە دیکۆمێنتانە نەدراوە.
دواجار بەڕێز د.نەوزاد یەحیا باجگر ئامادەیی زانکۆی جیهانی بۆ بەستنی پەیوەندی زانستی و ڕۆشنبیری لەگەڵ زانکۆکانی ووڵاتی تورکیا و سەنتەری بەڵگەنامەکانی عوسمانی و کتێبخانەی میللی شاری ئەستەنبۆڵ پیشاندا .
شایەنی باسە شاندی زانستی زانکۆی جیهان کە لە بەڕێز مامۆستا جەمال خەزنەدار و د.وریا عومەر ئەمین و د.محمد خضر مەولود پێکهاتبوو لەسەر ڕاسپاردەی بەڕێز د.نەوزاد یەحیا باجگر سەردانی ووڵاتی تورکیایان کردبوو ، بۆ دەستەبەرکردنی بەڵگەنامە مێژوویی و دێرینەکانی تایبەت بە کوردستان و ناچەکەو بەستنی پەیوەندی زانستی لەگەڵ ناوەندە ڕۆشنبیری و زانستیەکانی ئەستەنبۆڵ .

ڕاگەیاندنی سەرۆکایەتی زانکۆی جیهان ـ هەولێر

 

 

 

DSC_4072 DSC_4076 DSC_4079 DSC_4081 DSC_4085 DSC_4091 DSC_4094 DSC_4100 DSC_4105 DSC_4119 DSC_4144 DSC_4158 DSC_4159 DSC_4161